असोज ९ र १० गते नेपालमा अन्तराष्ट्रिय बिमा सम्मेलन हुने



Published Date:2018-09-10

Views: 1307

काठमाडौं,भाद्र २५
आगामी असोज ९ र १० गते नेपालमा अन्तराष्ट्रिय बिमा सम्मेलन हुने भएको छ । विकासशील राष्ट्रका बिमा र पुनर्बिमा कम्पनीहरुको संगठन (एआईआरडीसी), बिमा समिति र नेपाल बिमकं सघंको संयुक्त आयोजनामा उक्त सम्मेलन हुन लागेको हो । सन २००० पछि नेपालमा यो सम्मेलन हुन लागेको हो । बिभिन्न देशमा यस्ता खालका सम्मेलन हुँदै आइरहेको छ । यो सम्मेलन २२ औं हो । उक्त सम्मेलनमा बीमा क्षेत्रको नियामक निकायका प्रतिनिधि, विदेशी बिमा विज्ञ, बीमाक्षेत्रसँग सम्बन्धित सरोकारवालाहरु सहभागी हुनेछन् । सम्मेलनमा स्वदेशी तथा विदेशी गरी करिब पाँच सय बढीको सहभागीता हुने आयोजकले जनाएको छ । विपद् जोखीम व्यवस्थापन सम्बन्धी विषयलाई सम्मेलनको मुख्य एजेण्डा बनाइएको छ । सम्मेलनमा बिमाको वर्तमान समस्या र आगामी चुनौतीबारे पनि छलफल गरिने छ । सम्मेलनबाट आएका सुझावहरुले नीति निर्माणमा पनि सहयोग पुग्ने बिमा समितिको भनाइ रहेको छ ।
बिमा कम्पनीहरुले एक वर्षमै ७३ अर्बको कारोबार गरेका छन् । हाल एउटा पुर्नबीमा कम्पनी सहित ३९ वटा बिमा कम्पनी सञ्चालनमा रहेका छन् । उक्त कम्पनीहरुले गत आर्थिक वर्षमा यति ठूलो रकमको कारोबार गरेका हुन् । निर्जीवन बिमा कम्पनीले भन्दा बढी जीवन बिमा कम्पनीहरुले कारोबार धेरै गरेका छन् । गत आर्थिक वर्षमा २२ अर्बको निर्जीवन बिमा र ५१ अर्बको जीवन बिमा गरी कुल ७३ अर्बको बिमा व्यवसाय गरेको बिमा समितिका अध्यक्ष चिरन्जीवी चापागाईले जानकारी दिनुभयो । हाल २० वटा निर्जीवन बिमा कम्पनी, १८ वटा जीवन बिमा कम्पनी र एउटा पुनर्बिमा कम्पनी सञ्चालनमा छन् । गत आर्थिक वर्षमा ९ वटा जीवन बिमा कम्पनी र तीनबटा निर्जीवन बिमा कम्पनी थपिएका छन् ।

Share on Google+

Related Posts


  • अखिल नेपाल महिला संघ सिन्धुलीद्धारा उश्रृङ्खल गतिविधि गर्नेलाई कार्वाही गर्न माग

    हाम्रो सिन्धुली, २८ पुष/ अखिल नेपाल महिला संघ सिन्धुलीले आज जिल्ला प्रशासन कार्यालय सिन्धुली मार्फत गृहमन्त्रालय लाई ज्ञापनपत्र बुझाएको छ । अखिल नेपाल महिला संघ सिन्धुलीका अध्यक्ष पार्वती सुनुवारको नेतृत्वमा प्रमुख जिल्ला अधिकारी योगेन्द्र प्रसाद पाण्डे मार्फत ज्ञापनपत्र बुझाइएको हो । संसद बिघटनको बिरोधका क्रममा राष्ट्रपति बिद्यादेवी भण्डारी माथि असामायिक, अपाच्य, गालिगलौच तथा उश्रृङ्खल गतिबिधि […]


  • सिन्धुलीको पहिलो सामुदायीक रेडियो, रेडियो सिन्धुलीगढी १४ औ वर्षमा प्रवेश ।।

    हाम्रो सिन्धुली ,२४ पुष/  जिल्लाको पहिलो सामुदायीक रेडियो, रेडियो सिन्धुलीगढी एफ्एम् ९२ मेगाहर्ज आज बाट १३ बर्ष पुरा भएर १४ औ बर्षमा प्रबेश गरेको छ । २०६४ साल पुस २४ गते बिकास र परिबर्तको आवाज, आवाज विहिनहरुको आवाज भन्ने नारा सहित जिल्लामा पहिलो सामुदायी रेडियोको रुपमा स्थापना भएको हो । रेडियो सिन्धुलीगढीले स्थापना काल देखिनै […]


  • जिल्लामा नेपाल कम्युनिष्ट (नेकपा) को दुई पक्ष समुहका छुटाछुट्टै भेला

    हाम्रो सिन्धुली, १२ पुष/जिल्लामा नेपाल कम्युनिष्ट (नेकपा) को दुई पक्षका प्रधानमन्त्री केपि शर्मा ओली समुह र प्रचण्ड नेपाल समुहको छुटाछुट्टै भेला सम्पन्न भएको छ । नेकपाको प्रधानमन्त्री ओली समुहले जिल्लाका नौ वटै स्थानिय तहमा भेला गरेको छ भने, प्रचण्ड नेपाल समुह पक्षले पनि सिन्धुलीमाढीमा जिल्ला भेला गरेको छ । पालिका स्थरमा भेला गरेर पार्टीभित्र देखिएको […]