मेरो बालापन …



Published Date:2020-05-31

Views: 1700

जि बि श्रेष्ठ , १८ जेष्ठ – म सानो हुँदा कस्तो थिए त्यति धेरै याद नभए पनि याद भएका कुराहरुले बेला बखत मलाई सम्झाई रहन्छ । नसम्झाओस् कसरी म कस्तो अच्चम अच्चम खालको मान्छे थिए । मेरो इच्छा, चाहान ,रुचि अलि फरक थियो । फरक भनिरहँदा कति साथिहरु संग मेरो ब्यवहार मिल्न जाला । गोठमा दाउरा क्रमैसंग मिलाएर राखेको हुन्थ्यो । त्यतिबेला न त ग्याँस थियो । जंगलबाट ममि, दिदिहरुले दाउरा घरमा ल्याएर गोठमा क्या मज्जाले क्रम मिलाएर राख्नुहुन्थ्यो । म त्यो दाउरा राखेको ठाउँमा मेल बनाउँथे अनि मेल चलाउँथे । मेरो गाउँमा राजन दाईको धान, मकै कुट्ने मेल थियो । त्यतिबेलाको मेल भनेको अहिले जस्तो विद्युतबाट चल्ने हैन , हेन्डील घुमायर स्टाट गर्नु पथ्यो । म त्यो मेलमा गरिने सबै क्रियाकलाप हेर रहन्थे अनि घरमा आएर दाउराको चाङमा मेल बनाएर चलाउँथे । साँच्ची कै को मेलमा टुक, टुक गर्ने आवाज आउँथ्यो । मैले बनाको मेलको आवाज म मुखबाट निकाल्थे । मेरो मेलमा फित्ता खरको दोरीको बनाउँथे । मेरो आमाले गुन्द्री बुन्न भनेर खरको दोरी बाटेर बुईकलमा राख्ने गर्नु हुन्थ्यो । म आमाले थाहा नपाउने गरि दोरो झिकेर मेलको फित्ता बनाउँथे र मज्जाले मेल चलाउँथे । यो सब देखेर मलाई वरिपरिका छिमेकीले यो त ठुलो भएसी मेल पो चलाउँछ क्यारे भन्थे । अलि पर द्धारीका अङकलको चिउरा कुट्ने मेल थियो । मेल चलाउने वित्तिकै म मेलमा पुग्थे । द्धारीका अङकलले मैले लगाएको भेष्टमा चिउरा खा भनेर हाल्दीनुहुन्थ्यो । तात तातो चिउरा खाँदाको मज्जा बेग्लै हुन्थ्यो ।
यो मात्र हैन अरु नि म के के गर्थे के के म काठको गाडि बनाएर खुब गुडाउँथे । अहिले बजारमा किन्न पाईने जस्तो गाडि त्यतिबेला कता बाट पाउँनु । घर बनाको ठाउँमा गएर कोराको सानो सानो टुक्रा चोरेर ल्याएर छिनोले खोपेर गाडि बनाउँथे । गाडिले चाहिने पाङग्रा चप्पल काटेर बनाउँथे । त्यतिबेला पाएल चप्पल खुब चलेको थियो । हामी साथिहरु कस्को गाडि राम्रो भनेर खुब प्रतिस्पर्धा गथ्र्यौ कहिले काहिँ त गाडिको निहुले कुस्ती नि खेल्थ्यौँ । अहिलेको केटा केटिले बजारबाट कति राम्रा राम्रा गाडि किनेर खेलेको देख्दा मलाई त्यति बेला कोराको टुक्रालाई छिनोले खोपेर चप्पल काटेर पाङग्रा बनाएर गुडाको गाडिको खुब याद आउँछ । त्यति सजिलो थिएन त्यसरी गाडि बनाउन । ट्क्याक्टर आउँदा के के न आको जसरी गाउँका मान्छे सबै उर्लिएर आउँथे ट्क्याक्टर हेर्न । म ट्क्याटर पछि पछि खुब दौडन्थे चड्न भनेर । तर सकिन्न थ्यो । अहिलेको जस्तो हैन त्यति बेलाको ट्क्याटर ठुला ठुला हुन्थे । जो सक्यो ट्क्टर चड्न उसले प्लेन चडेको बराबर सम्झन्थे ।
मेरो गाउँमा काका, दाजुहरुले खुब खेल्नुहुँन्थ्यो भलिबल । मेरो गाउँलाई भलिबल खेल्न जान्ने मान्छे बस्ने गाउँ भनेर चिन्थे । बेला बेला वल्लो गाउँ पल्लो गाउँको भलिबल खेल हुँन्थ्यो । म खुब हेर्थे भलिबल खेलेको । अरुले सट हानेको देख्दा म नि ठोलो भएसी यसरी नै बल खेल्छु अनि मलाई नि सबले माया गर्छ, मेरो नाम लिएर तालि बजाउँछ, यि यस्तै कुराहरु मनमा लिएर बस्थेँ । अरुले खेलेको बल कहिले काहि अलि पर सम्म पुग्थ्यो । म दौडिएर त्यो बल समाएर लिएर आउँथे । त्यति बल समाउन पाउँदा म आफुलाई महान सम्झन्थेँ । कहिले काहि बल कसले समाउने भनेर दौडिदा साथिभाई विच बल खोसार खोस पनि हुँन्थ्यो । हामी साना भारा भुरे बाँझो खेतमा दुईपटि बाँस गाडेर पोल बनाउथ्यौँ । खरको दोरी टाँगेर नेट बनाउँथ्यौँ अनि मुजाको बल बनाएर खेल्थ्यौँ । बल खेल्दा सटर कस्ले हान्ने भनेर भना भन हुन्थ्यो ।
मलाई सुगा, रुप्पी पाल्न खुब रहर लाग्ने । अरुको घरमा पिन्जडा भित्र सुगा पाल्दा मलाई नि खुब रहर लाग्ने । हामी साथिभाई सुगाको गुँड कहाँ छ भनेर खोज्दै हिड्थ्यौँ । गुँड भेटेसी सुगाले बच्चा नकाटे सम्म बेला बेला निगरानि गरिरहन्थ्यौँ । सुगाले बच्चा निकाल्नु कहिले कहिले हामी साथीभाई तँलाई एउटा बच्चा मलाई एउटा भनेर पहिले नै भाक लगाउँथ्यौँ । विहान स्कुल गएर घर नफर्की सिधै साथीको गाउँमा सुगाको बच्चा लिन गएर एक्कै चोटि सुगा नलिई घर फर्किएको दिन अझै सम्झन्छु । त्यति बेला मेरो साथिले मलाई नराम्रो संग धोका दियो ।
ति साथिभाई अहिले कोहि कता छन् त कोहि कता, त्यतिबेलाको साथि पो साथि , एक छिनमा झगडा गर्ने फेरी त्यहि साथि नभई नहुने । कहिले आउँछ घुमेर बाल पनको उमेर । आहा…… त्यो बालापन ।।

Share on Google+

Related Posts


  • सिन्धुलीमाढीमा संचालन भएको प्रादेशिक महोत्सव २०७५को आर्थिक आय व्यय सार्वजनिक

    उर्मिला भट्टराई, ३० चैत\सिन्धुलीमाढीमा संचालन भएको प्रादेशिक महोत्सव २०७५को आर्थिक आय व्यय सार्वजनिक भएको छ । सोमबार उद्योग वाणिज्य संघ सिन्धुलीले पत्रकार सम्मेलन गरेको उक्त महोत्सवको आय व्यय जानकारी गराएको हो । उद्योग वाणिज्य संघ सिन्धुली र कमलामाई नगरपालिकाको कार्यलय सिन्धुलीको आयोजनामा २०७५ पौष १३ गते देखि २२ गते सम्म सिन्धुलीमाढी प्रादेशिक महोत्सव संचालन भएको […]


  • प्रा.वि. ओख्रेनीका शिक्षक मृत अवस्थामा फेला

    उर्मिला भट्टराई, ३० चैत\ फिक्कल गाउँपालिका ३ नयाँपानी भिर स्थित न्युरेखोला चनौटेमा बेतिनीका ४७ वर्षीय टंक नाथ पहाडी मृत अवस्थामा फेला परेका छन् । गत चैत २८ गते पहाडी चनौटेमा कांग्रेसको पालिका स्तरिय अगुवाई भेला कार्यक्रमको लागी घरबाट हिडेका थिए । कार्यक्रममा हिडेका पहाडी घर नफर्कि पछि आफन्तले खोजी गर्दा आज न्युरेखोला चनौटे सडकबाट दुई […]


  • रोट्याक क्लब अप सिन्धुलीगढीद्धारा विद्यार्थीलाई विद्यालय पोसाक वितरण

    हाम्रो सिन्धुली, २७ चैत\रोट्याक क्लब अप सिन्धुलीगढीले विद्यार्थीलाई विद्यालय पोसाक वितरण गरेको छ । आज कमलामाई नगरपालिका ४ मा रहेको श्री कालिका प्राथमिक विद्यालयका विद्यार्थीलाई विद्यालय पोसाक वितरण गरेको हो । विद्यायलका १९ जना विद्यार्थीलाई विद्यालय पोसाक वितरण गरिएको छ । रोट्रिक क्लब अप काठमाडौको आर्थिक सहयोगमा रोट्याक क्लबअप सिन्धुलीगढीले विद्यार्थीलाई पोसाक वितरण गरेको हो […]