तिनपाटन गाउँपालिका १० मा सुरक्षित हात धुने स्थल स्थापनाका लागि बाल्टिन वितरण

हाम्रो सिन्धुली, २९ फागुन /तिनपाटन गाउँपालिका­१० मा सुरक्षित हात धुने स्थल स्थापनाको लागि बाल्टिन वितरण गरिएको छ । विहिबार वर्ल्ड भिजनको साझेदारीमा सञ्चालित बाल स्पोन्सरसिप परियोजना अन्तर्गत गाउँपालिकाको­१० नम्बर वडा भित्रका ३ सय ५९ घरधुरीलाई हातधुने स्थल स्थापना गर्नको लागि प्रति परिवार ९ सय ६० रुपैया ५० पैसा बराबरको बाल्टिन वितरण गरिएको हो । उक्त क्षत्रका अति जोखिममा परेका, आर्थिक अवस्था कम भएका, एकल महिला तथा भिन्न क्षमता भएका परिवार लगायत वडा नं १० ले उपलब्ध गराएको सूची बमोजिमका परिवारहरुलाई बाल्टिन वितरण गरिएको बाल स्पोन्सरशीप परियोजना संयोजक पंकराज पाण्डेले बताउनु भयो । परियोजनाले बाल संरक्षण र किशोरी सँग सम्बन्धित विभिन्न गतिविधि सञ्चालन गर्दै आएको छ उहाँले जानकारी दिनु भयो । बालमैत्री स्थानीय शासनको बाल बचाउ अन्तरर्गत रहेका चर्पी गएपछि तथा खाना खानु अघि र फोहोर सामान चलाएपछि हात धुनुपर्छ भन्ने सूचक पूरा गर्न सहयोग पु¥याउने उद्देश्यले सुरक्षित हात धुने स्थल स्थापनाको लागि बाल्टिन वितरण गरिएको संयोजक पाण्डेले बताउनु भयो । १० नम्बर वडा भित्र सुरक्षित हात धुने स्थल स्थापनाका लागि वडाले १ सय ७२,सिड्सले ४७,नेवाले २२ र रिलिफ नेपालले ३ सय ५९ घरधुरीलाई सहयोग गरेको छ । बाकीँ घरपरिवारलाई गाउँपालिकाले सहयोग गर्ने बताइएको छ ।